香港小朋友啲功課一日深過一日,就話讀書壓力越來越重啫,但台灣呢一份睇落只需要畫線,易過借火嘅功課,都可以令小朋友頭都痕埋?

近日台灣網民於社交網站上傳一張幼兒工作紙,指呢份係自己小朋友學校嘅功課。

 20171010 7830 B02

功課好簡單,只係一個迷宮,迷宮入口有隻豬仔,迷宮內有間屋仔,老師要求小朋友幫想返屋企嘅豬仔歸家。睇落好易姐,個迷宮睇落又唔複雜,但當大家帶住豬仔行呀行,呢個時刻,問題嚟啦…條條路都係死路嚟嘅!?

 20171010 7830 B01

豬仔返唔到屋企,姐係小朋友交唔到功課,一個無家可歸,一個返學面臨欠交,同是天涯淪落人呀!小朋友嘅爸爸見到份功課,覺得搞笑嘅同時,亦感概設計份功課嘅老師好有「深度」,忍唔住放上網同網民分享。網民都覺得好搞笑,紛紛留言笑指呢條題可以令小朋友安靜好耐,亦有網民搞笑話老師就係唔想豬仔返屋企。

 

不過唔緊要啦,相信呢位小朋友全班同學,都幫唔到豬仔返屋企㗎啦,呢個問題就等返學時交返畀專業嘅老師去解決啦!

 

圖片及資料來源:Facebook Page「爆料公社」

會員評分: 0 / 5

不啟用星號不啟用星號不啟用星號不啟用星號不啟用星號不啟用星號
 
×